Zmitts us em Läbe

Bärndütschi Gschichte

Ir Stadt Bärn, i de Gasse u uf em Märit, wie isch es da schön! We der Bärlouch im Früehlig am Aarehang hällgrüen zum Bode usschiesst, de rücke vil Lüt us zum ne ga chöhle. Was hei aber Chnöisocke u Bärlouch mitenand z tüe? Die Gschichte vor Marianne Brönnimann sy alli zmitts us em Läbe u trage gheimnisvolli Title wie "Der Miniguccio" oder "Oudiänze". Si handle vor Stadt u vo der Umgäbig vo Bärn, schweife aber o i üses südliche Nachbarland, wos e Begägnig mit Tintefische git. D Outorin het o di berüehmti Madame de meuron erläbt u verzellt Luschtigs vo dere bsundere alte Dame us em Bärner Landadel. Oder si erinneret sech a C. A. Loosli u syni träfe Wort. Luschtigi, unterhaltsami Gschichte zmitts us em Läbe.